Pjesa më e madhe kredive të humbura ose në rrezik serioz arkëtimi nga bankat zotërohen nga rreth 35 kompani dhe korporata të mëdha, mbartin 65 për qind të portofolit të kredive me probleme. Ndërsa 80 kompani zotërojnë mbi 80 për qind të totalit të kredive të pakthyera, raportin “Monitor”.
Në total, kredia me probleme është rreth 23 për qind e totalit, apo gati 1 miliard euro. Burimet konfidenciale pohojnë se 35 kompani, që zotërojnë 65% të totalit të kredisë me probleme i kanë një borxh bankave prej rreth 600 milionë euro. Ekspertiza e deritanishme ka evidentuar se gjysma e tyre duhet të përfshihen në faliment dhe pjesa tjetër të ristrukturohet.
Kompanitë me moskthimin e kredive po mbajnë peng të gjithë zhvillimin e ekonomisë, janë pjesa më e vështirë e shtruar për zgjidhje. Por duket se, me këtë pjesë do të merret Banka Botërore, e cila, siç mësohet, ka marrë në skaner një nga një debitorët e mëdhenj.
Ato po studiohen në mënyrë individuale, ndërsa mësohet se kanë kredi të pakthyera në disa banka. Nisma synon që të hartohet një plan ristrukturimi ndërmjet bankave dhe kredimarrësit për të gjetur një zgjidhje, por duket se falimenti për 50 për qind të këtyre korporatave është i pashmangshëm, pasi kanë rezultuar raste pa asnjë shpresë. Për kompanitë pjesërisht të shëndetshme, rekomandohet të gjejnë burime alternative jashtë bankave. Këtu mund të ndërhyjë qeveria për të blerë një pjesë të borxhit ose kolateralit të këtyre korporatave në mënyrë që atyre t’iu sigurohen likuiditetet e nevojshme për ristrukturimin.
Por, në kushtet aktuale legjislative, falimenti është gati i pamundur dhe misioni vështirësohet edhe më shumë nga ndershmëria e gjykatave dhe hipotekave në ekzekutimin e kolateraleve.
Drejt falimentimit gjysma e 35 kompanive që kanë 600 milionë euro borxh nëpër banka
