Policia në bashkëpunim me Prokurorinë e Krimeve të Rënda ka bërë sekuestrimin e disa pasurive në pronësi të shtetasit me inicialet N. J., procedim ky i referuar në Prokurori nga Specialistët e Seksionit për Hetimin e Pastrimit të Parave dhe Asteve Kriminale në Drejtorinë e Tiranës.
Pasuritë e sekuestruara janë:
- Apartamente të ndodhura në Tiranë gjithsej 4 me një sipërfaqe 450 m2.
- Garazhde të ndodhura në Tiranë, gjithsej 2 me një sipërfaqe 40 m2.
- Apartament i ndodhur në Vlorë, gjithsej 1 me një sipërfaqe 65 m2.
- Tokë e ndodhur në zonën e bregdetit Drinmadh, Porto Palermo, Llaman, Amallol në Himarë me një sipërfaqe totale 31.000m2.
Në total me një vlerë tregu pasuri të sekuestruar arrijnë vlerën 4 milion Euro. Këto pasuri pasi u sekuestruan i kaluan nën administrim Agjensisë për administrimin e Pasurive të Sekuestruara dhe të Konfiskuara, pranë Ministrisë së Financave.
