Një ngarkesë e madhe droge është sekuestruar nga policia greke në Igumenicë, që është finalizuar me arrestimin e 3 shqiptarëve.
Sipas mediave greke, autoritetet kanë sekuestruar 200 kilogramë kanabis sativa që po transportohej nga shqiptarët. Policia kishte marrë informacion për ngarkesën e lëndës narkotike që po transportohej dhe po mbanin në vëzhgim automjetin.
Autoritetet greke nuk kanë bërë të ditur identitetin e të arrestuarve pasi hetimet po vazhdojnë. Hetuesit thonë se kanë dyshime që në këtë rast trafiku të jenë të përfshirë edhe persona të tjerë. Të arrestuarit po merren në pyetje nga policia greke.
