Dy të burgosur, dënuar për vrasje të rënda, kanë ikur nga burgu i sigurisë së lartë në Nju Jork, kanë njoftuar autoritetet shtetërore.
Autoritetet thonë se dy të arratisurit kanë hapur një vrimë në qelinë e burgut Dannemori dhe duke shfrytëzuar një kanal ujërash të zeza kanë ikur nga burgu, që ndodhet jo shumë larg kufirit me Kandanë.
Guvernatori i i Nju Jork-ut, Andrew Cuomo, thotë se dy të arratisurit janë persona shumë të rreizikshëm. “Bëhet fjalë për dy persona të rrezikshëm, njëri nga të cilët është dënuar për vrasjen e sherifit”, tha Cuomo.
Ikja e dy të burgosurve është zbuluar të shtunën me rastin e kontrollit rutinor në qelitë e burgut, kur edhe ishte konstatuar se David Sweat (34) i Richar Matt (48) janë arratisur.
Sweat ishte i dënuar me burg të përjetshëm për shkak të vrasjes së zëvëndës-shefit të policisë, kurse Matt ishte dënuar me më së paku 25 vjet deri në burgim të përjetshëm, pa të drejtë faljeje para vitit 2032, për veprën penale: vrasje, kidnapim dhe plaçkitje.
Guvernatori Cuomo ka thënë se kjo është arratisja e parë nga Burgu Dannemori që nga hapja e tij në vitin 1845.
Për zbullimin e vendndodhjes dhe kapjen e të arratisurve janë angazhuar 200 policë, njësiti SWAT dhe heliopterët policorë.
