Jo vetëm të rinjtë janë përdorues të rregullt të internetit. Një studim i ri ka treguar arsyet pse njerëzit e moshuar lundrojnë në internet, duke treguar se teknologjia nuk njeh moshë. Studimi i realizuar nga një kompani celularësh në Britani, dy të tretat (2/3) e personave në moshë mbi 65 vjeç e konsiderojnë internetin dhe kompjuterin si “shpikjen më revolucionare të gjithë jetës së tyre”, duke mundur televizionin, radion, madje dhe fuqinë bërthamore.
Sipas studimit, të moshuarit mbi 65 vjeç e përdorin internetin të paktën një herë në ditë, por nuk e ndjejnë veten mjeshtër të përdorimit të tij.
Por për çfarë e përdorin më tepër të moshuarit internetin? Ja lista me 10 gjërat kryesore:
1. Email;
2. Blerje online;
3. Kërkojnë shërbime lokale dhe produkte;
4. Bankat online;
5. Lexojnë lajme online;
6. Përdorin Google Earth për të kërkuar vende që nuk kanë qënë;
7. Rrjetet sociale;
8. Përdorin Google Earth për të kërkuar vende që kanë vizituar në të shkuarën;
9. Kërkojnë për prona;
10. Lidhen me miq të vjetër.
