Zëvendësministri i Jashtëm, nga radhët e LSI-së, Selim Belortaja ka kritikuar sot ceremoninë e marrjes së detyrës të kreut të ri të Bashkisë së Tiranës, Erion Veliaj.
Sipas tij e gjithë ceremonia dukej më shumë si një inaugurim papal se sa si marrja zyrtarisht e një detyre. Belortaja shprehet se ka një bombardim mediatik të panevojshëm, duke i quajtur ato të rrjedhura.
“Ka marrë sërish vrull panairi ynë i… kotësive! Ajo që duhet të ishte thjesht një ulje në karrike e kryetarit të ri të bashkisë, po i ngjan gjithnjë e më shumë një Inaugurimi Papal! Po ai bombardim mediatik (s’ka gazetë pa këtë lajm), po ajo gjuhë solemne ‘pontifikimi”, po ai pompozitet imazhesh: hyri këtu, doli atje!! Kaq apo aq nënkryetarë. Kjo shpurë, ajo eskortë. Transmetohet live: si do lyhet zyra, si do mobilohet…ç’ngjyrë do ketë tapeti…apo s’do ketë fare tapet…! Asnjë fjalë se çdo bëjë kryetari: për ujin e pijshëm, sigurinë, zhurmat e ndotjen, Parkun e Tiranës që po tkurret çdo ditë…për tufat e qenve që janë shtuar e ndihen zot shtëpie, etj etj! Pse katandisemi kështu? Ka dy shpjegime: Ose tek funksionarët ka plasur një modë vaniteti, ose…përfundimisht media jonë ka…rrjedhur”, shkruan Belortaja në statusin e tij në “Facebook”.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
