Në një postim në FB lidhur me tunelin e Krrabës, Sali Berisha ka publikuar një foto sëbashku me Sokol Olldashin, i cili në kohën e ndërtimit të tunelit ishte Ministër i Transporteve. Në postimin e tij Berisha replikon me ministrin aktual të Transporteve, Edmond Haxhinasto lidhur me bllokimin e kompanisë “Aktor” që po ndërton autostradën Tiranë Elbasan.
“Haxhinasto ndermorri nje sulm te eger, te shpelare ndaj kompanise greke “Aktor”, e cila ndertoi ne kohe rekord, me çmimin me te ulet dhe cilesine me te larte tunelin e Krrabes dhe autostraden Tirane – Elbasan, segmentin e saj Ibe – Elbasan.
Ky akt e terboi Ramen dhe ai me te ardhur ne pushtet i nderpreu si ndeshkim financimin kompanise duke ja bllokuar me qellim punimet. Me vone Rama, sipas disa burimeve te vet autoritetit te rrugeve, kerkoi bojatisjen mavi te tunelit sepse deshi te bente riinaugurimin e tij por kompania refuzoi te bojatiste mavi tunelin, pasi kjo mund te behej burim aksidentesh.
Dje zedhenesi i Rames njoftoi se piktori kishte vendosur te perzinte jashte cdo kriteri ligjor dhe vetem nga urrejtja dhe korrupsioni, kompanine per te zevendesuar me nje kompani, duket si ajo qe ndertoi kullen falike ne zemer te Korçes, me te cilen ndajne se bashku parate”.
Berisha pati përgëzuar atëherë Ministrinë për tenderimin me kosto të ulët të ndërtimit të tunelit. Por ceremonia e inaugurimit të tij nxorri në dritë pakënaqësitë mes ministrit Olldashi dhe kryeministrit Berisha. Olldashi nuk mori pjesë në ceremoninë e inaugurimit ndërkohë që pak muaj më vonë ai gjeti vdekjen nga një aksident me makinë jo shumë metra larg tij.
