Greqia mund të njohë pavarësinë e Kosovës. Zëra të tillë raportohen nga gazeta e njohur greke “Kathimerini” e cila citon qarqet e politikës së jashtme në Athinë. Sipas kësaj të përditshmeje, kjo është një lëvizje që qeveria greke mund të bëjë për shkak të pakënaqësisë që ka Greqia me lëvizjet ndërkombëtare të Beogradit në lidhje me Kosovën, si edhe kontestimin e Serbisë për emrin me ish-Republikën Jugosllave të Maqedonisë.
Kreu i Programit për Evropën Juglindore pranë Fondacionit Helen për Politikë Evropiane, Ioannis Armakolas, tha se vendimi i Serbisë për të njohur emrin e Maqedonisë është një goditje për Greqinë, e cila ndër vite ka përkrahur dhe mbështetur vazhdimisht Serbinë, megjithëse nuk ka dijeni për lëvizjet e fundit të Beogradit për çështjen e Maqedonisë.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
