Pas skandalit të kryetarit të kuvendit Ilir Meta, ka ardhur reagimi i PD-së. Kryetari Lulzim Basha, përmes një deklarate për shtyp ka kërkuar dorëheqjen e kreut të Kuvendit, duke denoncuar një nga skemat më të mëdha të korrupsionit në vend, sipas Bashës dhe njëkohësisht kërkoi nisjen e hetimeve për këtë rast.
“Ilir Meta ia ka dalë mbanë t’i shpëtojë drejtësisë herët e kaluara, por këtë herë, Partia Demokratike dhe opozita është e vendosur që të kërkojë dorëheqjen e kreut të Kuvendit, në mënyrë që t’u hapë rrugë hetimeve të paanshme”, tha Basha, i cili paralajmëroi gjithashtu se “nëse Rama-Meta do të tentojnë manipulimin, do të përballen me qytetarët”.
Basha ka deklaruar se Meta ka marrë ryshfet nga një person i arrestuar më parë për korrupsion, Kastriot Islamaj. Ilir Meta akuzohet se ka marrë ryshfet nga Debt International Advisory, DIA, një kompani mbledhje borxhi që ka hedhur në gjyq OSHEE-në në gjykatën e arbitrazhit në Vjenë.
SKANDALI/ Ryshfeti për tenderin e CEZ, Basha: Skema më e madhe e korrupsionit, Meta të dorëhiqet
