LSI ka reaguar pas deklaratës së PD bërë nga deputetja Jorida Tabaku ku sërish akuzohej Ilir Meta për ryshfet gjatë tenderit të kompanisë DIA.
Deputetja më e re e kësaj partie dhe e parlamentit, Silva Caka ka postuar në fb mesazhin: “Dhimbje per opoziten dhe pozicionimin humoristik te saj… opozita e specializuar ne berjen e autogolave”.
Por në mbyllje të këtij postimi ajo shton një fjali që e lidh opozitën me qeverinë: “Me impresionon besimi i verber i opozites te qeveria!!!”, përfundon deputetja
Lajmi i publikuar dje vijon të zhvillojë debate mes PD e LSI që nga pasditja e 3 shtatorit.
Ndërsa mediat e sotme ia dhanë mjaft hapësirë lajmit për akuzën ndaj Metës edhe pse disa media afër LSI e vendosën lajmin në periferi të tyre, përfshi edhe një gazetë shumë të lidhur me opozitën e cila nuk publikoi në faqe të parë deklaratën e kryetarit të PD-së, Lulzim Basha për dorëheqjen e Metës, deklaratë që ishte botuar pothuajse në të gjitha mediat, edhe pse në formate të ndryshme.
Ndërkaq një media afër LSI i lidhte akuzat ndaj Metës me një komplot Basha-Rama-Soros.
Në fakt Sorosin apo më mirë fondacionin Soros e përmendi edhe Petrit Vasili në deklaratën e tij të djeshme ku e krahasonte akuzën ndaj Metës me sondazhin për zgjedhjet që kreu Sorosi para zgjedhjeve të vitit 2013 dhe ku LSI merrte shumë pak vota.
Alibia ndërtohet edhe për shkak se mendohet se BIRN merr donacione nga Soros. Ndoshta! Por BIRN ka disa burime financimi në kuadrin e forcimit të gazetarisë investigative. Ai është ndërkaq i financuar edhe nga NED, një organizatë e madhe ndërkombëtare në Uashington që mbështetet nga qeveria amerikane si dhe nga organizata amerikane në Tiranë që mbështeten po ashtu nga qeveria amerikane.
