Meta “shpullë” Ramës: Kualifikimi të mos zbehë vëmendjen nga përmbytjet

Kryeparlamentari Ilir Meta sërish indirekt nuk ka kursyer një “shpullë” ndaj kryeministrit Edi Rama.
I pyetur nga mediat për situatën e përmbytjeve dhe çfarë po bën qeveria për këtë gjë, Meta tha se,
“Pritet që të ketë mot të vështirë dhe shpresoj që gëzimi i këtij kualifikimi të merituar të mos çojë në zbehjen e vëmendjes nga problemi real dhe shqetësues në jug të vendit dhe kudo tjetër ku situata mund të vështirësohet”, tha Meta.
Qëndrimi i Metës, është në koherencë me atë të opozitës, e cila prej dy ditësh akuzon kryeministrin Rama se qante hallin e ndeshjes që nuk do shihej në sheshin para godinës së Kryeministrisë, për shkak të përmbytjeve dhe nuk tha asnjë fjalë për situatën e familjeve të prekura nga ky fenomen natyror.