Në bazë të Kodit Zgjedhor dhe vendimit të KQZ-së të datës 1 nëntor 2012, dy prej anëtarëve të këtij institucioni, Klement Zguros dhe Edlira Jorgaqit u ndërpritet mandati pikërisht në këtë datë, pra vetëm pas dy javësh. U takon dy partive që i kanë propozuar ata, respektivisht Partisë Republikane dhe asaj Socialiste, që të propozojë në Kuvend dy emrat e rinj, ose të ripropozojnë po këta dy emra për të vijuar punën.
Tre vjet më parë, KQZ-ja hodhi shortin “Për përcaktimin e anëtarit të KQZ-së, me qëllim përtëritjen pjesore të KQZ-së”, dhe nga ky short doli se ish-anëtarja e KQZ-së Albana Shtylla do të kishte mandat 3-vjeçar.
Por ajo më pas u zëvendësua nga Edlira Jorgani, nga partia prej së cilës ajo u propozua, Partia Socialiste. Kështu që,i mbeti anëtares Jorgaqi ‘fati’ që këtë mandat ta kishte 3 vjet, dhe jo 6 vjet sa kolegët e tjerë. Po i njëjti ‘fat’ rezulton edhe për Klement Zgurin, i cili në fakt mori mandatin e lënë nga Ilirjan Muho, që i përkiste LSI-së si një parti në opozitë më parë, por 3 vjet më parë ai i kaloi PR-së. Ndaj dhe Klement Zguri duhet të presë ripropozimin ose jo nga Partia Republikane.
“Zgjedhje” në KQZ, dy anëtarëve ju mbaron mandati në 1 nëntor
