Ministria e Jashtme konfirmon se shefi i Kabinetit të Ministrit, Pirro Vengu ka marrë fletë-thirrjen nga Ministria e Mbrojtjes e Greqisë për të kryer shërbimin e detyrueshëm ushtarak.
Zëvendësministri Selim Belortaja tha gjatë mbledhjes së sotme të komisionit të Jashtëm parlamentar, se Shefi i Kabinetit nuk ka ikur ende ushtar, çka në fakt konfirmon lajmin se falë shtetësisë së tij greke, Vengu duhet të bëjë edhe ushtrinë në vendin fqinj.
Debati në Komisionin e Jashtëm
Aldo Bumçi: Shefi i Kabinetit të Ministrit të Punëve të Jashtme është thërritur për të bërë ushtrinë në Greqi. Është situate skandaloze dhe e turpshme, degradim i shtetit. Sepse Ministria e Punëve të Jashtme ka si kundër-palë dhe diskuton për çështje sekrete dhe diplomatike. Gjithë materialet konfidenciale kalojnë nga Shefi i Kabinetit të Ministrit, një njeri që është ushtar i një vendi tjetër. Në qoftë se kjo është e vërtetë, ministri duhet të dorëhiqet.
Selim Belortaja: S’ka ikur ushtar akoma…
Namik Dokle: Kur të shkojë ushtar, nuk do të jetë Shef Kabineti…
Arta Dade: Nuk do merremi me Pirro Vengun këtu.
Selim Belortaja: Për Bumçin, unë di vetëm sa di media. Është lajm i paverifikuar. As personi vetë nuk e di çfarë po ndodh. Pranon që ka marrë më parë një njoftim të tillë dhe e ka refuzuar në mënyrë kategorike.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
