Kryetari i PD-së, Lulzim Basha deklaroi sot në emisionin Studio e Hapur të gazetares Eni Vasili se zyrtarë të qeverisë kanë kërkuar një ryshfet në shifra të mëdha për koncensionin e rrugës Durrës-Kukës. “Njerëzit afër Edi Ramës kanë kërkuar 20 milionë dollarë ryshfet një kompanie perëndimore që kërkon koncensionin e rrugës së Kombit. Kjo tashmë dihet edhe nga gazetarë, edhe nga zyrtarë të politikës. Prandaj nuk vijnë investuesit e huaj në Shqipëri pasi kanë frikë”, tha Basha.
Basha teston studion e news 24 për check up e Vilma Nushit: : Askush nuk e ka bërë
Basha duke denoncuar koncesionin për check up mjekësor tha ndër të tjera se ai është edhe një shërbim fallco. Në vijim ai tha se nuk ka dëgjuar që ta ketë bërë njeri pavarësisht se qeveria paguan 10 milionë euro në vit. Edi Rama tha, Basha, është klienti i vetëm i këtij shërbimi pasi merr paratë në xhepin e tij.
Ai pyeti personat në studio nëse kishin bërë check up. Asnjëri prej tyre nuk e kishte bërë, as operatorët, as regjia dhe as punonjësit e tjerë ndihmës në transmetim.
Pastaj Basha pyeti drejtuesen e emisionit Eni Vasilin. As ajo nuk e kishte bërë check up.
Natyrisht që as vetë Basha nuk e ka bërë.
