Dy shqiptarë u përfshinë në një atentat sot në mëngjes në Milano, njëri prej të cilëve vdiq ndërsa tjetri ka marrë një plagë në këmbë. Një shqiptar 26-vjeçar ende i paidentifikuar humbi jetën në spital pas një sherri në një bar në Milano
Policia italiane ka bërë të ditur se viktima rezulton të ketë qenë me precedentë penale, por nuk saktësohet konkretisht se çfarë.
Nga dëshmitë e para, kanë qenë dy persona që kanë shtënë me armë e janë larguar.
Shqiptari që mbeti i vrarë, mori plumba në pjesën e barkut dhe ishte klient, ndërkohë që bashkëkombësi ishte rreth të 30-ve, punonjës i lokalit dhe u qëllua në këmbë.
