Blokimi i punës së komisionit të ekspertëve të reformës në drejtësi për shkak se rekomandimet e Venecias janë zëvëndësuar me rekomandimet e eskpertëve të mazhorancës kanë vënë në lëvizje ambasadorin amerikan Donald Lu dhe ambasadoren e BE-së, Vlahutin.
Ata u takuan sot me kryetarin e komisionit të reformës, Fatmir Xhafaj dhe përfaqësuesin e opozitës Oerd Bylykbashi si dhe ekspertët e opozitës, Enkelejd Alibeaj dhe Gazmend Bardhi.
Xhafaj është edhe një nga autorët e draftit që u paraqit në takimet e ekspertëve në këtë fillim viti në ndryshim nga rekomandimet e Venecias.
Një ditë më parë Lu pati një takim të gjatë prej 3 orësh me Kryetarin e Kuvendit, Ilir Meta.
Edhe pse nuk ka deklarime pas këtij takimi mendohet se një pjesë e mirë e bisedës ka qënë lidhur me reformën.
Ngecja e procesit ka sjellë po sot një takim mes presidentit Nishani dhe Kryeministrit Rama ndërkohë që krerët e mazhorancës u takuan sot paradite tek vila qeveritare.
Rekomandimet e Venecias po hasin në rezistencë. Ajo që shohim tani është mungesa e pajtimit që gjykatësit e Kushtetueses të zgjidhen me një shumicë 2/3 nga 3/5 që është aktualisht.
Këtu ka ndodhe edhe redaktimi i parë i rekomandimeve për të cilat opozita nuk bie dakord.
Kreu i PD-së, Lulzim Basha i kërkoi sot kryeministrit Rama të deklarohej nëse ishte pro apo kundër rekomandimeve të Venecias.
