Dy grabitje me armë dhe me maska, në orët e para të mbrëmjes së djeshme, në zemër të Tiranës dhe në aksin kombëtar në Lezhë, dëshmojnë se rendi është në pikë kritike, pasiguria ka arritur kulmin, deklaroi deputetja e PD, Mimoza Hajdarmataj.
“Pas një serie ekzekutimesh mafioze në ditët e para të Janarit, shfaqja e maskave të armatosura me uniforma policie dhe grabitjet e dhunshme, janë një përkeqësim i mëtejshëm i garancive për jetën dhe pronën.
Ky revansh i krimit dhe lehtësia me të cilën kryhen këto akte të rënda, lidhet me qënien në krye të rendit të Saimir Tahirit, përfaqësuesit të bandave dhe trafikantëve.
Çdo ditë në detyrë e këtij ministri të lidhur me krimin, është një nxitje për krimin, është një frymëzim për krimin.
Tahiri i Ramës pas gjithë kësaj vale krimi, ka kurajon të shfaqet në Vlorë, në qytetin ku makina e tij private bën taksinë e drogës, dhe të fajësojë Gjykatën Kushtetuese.
Por përgjegjësi për situatën katastrofike njihet nga të gjithë.
Kur ministër i rendit është Saimir Tahiri, kumbar i habilajve, shërbëtor i Shullazit, ndërmjetës i vrasësve me pagesë, çirak i bosëve të drogës, atëherë ekzekutimet, krimet, grabitjet me maska janë të legalizuara.
Gjendja është e rëndë. Partia Demokratike inkurajon oficerët e ndershëm, trupën e burrave dhe grave me uniformë të bëjnë detyrën, të luftojnë krimin, edhe pse në kushte të vështira, kur krimi ka lidhje direkte me ministrin.
Por zgjidhjen për rendin e sigurinë e kanë në dorë qytetarët. Zgjidhja është largimi i Tahirit, largimi i qeverisë Rama të zhytur në krim e korrupsion”, thuhet ne deklaratën e deputetes demokrate, Hajdarmataj.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
