Policia arrestoi sot ne qender te Beratit aktivistin e PD Berat, Thimio Cobo, per arsyen e vetme se ka therritur me te madhe “Poshte Edi Rama”.
Cobo është zemëruar kur ka parë sot nje prezence te jashtezakonshme te policise dhe gardes se republikes per shkak te vizites se kryeministrit Rames ne Berat.
Fill pas arrestimit, deputeti i PD, Genc Pollo ka shkuar në këtë qytet dhe është drejtuar për tek komisariati i policisë ku ka kërkuar lirimin e aktivistit të opozitës.
Në një deklaratë të deputetit Pollo denoncohej arrestimi i Cobos duke e konsideruar këtë si një arrestim për agjitacion e propogandë.
“Më thanë se është arrestuar për shkak se ka kritikuar Edi Ramën, pra as nuk ka vjedhur, as nuk ka vrarë apo dëmtuar dike, nuk ka dhënë gjë me koncesione dhe as ka vjedhur si qeveritarët, por megjithatë është arrestuar. Edhe kur u bënë zgjedhjet vetëm pse mbante banderola të PD-së iu grabit makina nga policia dhe iu shkatërrua”, tha Pollo.
