Deputeti socialist Ben Blushi në një intervistë për news 24, të mundimshme për shkak të dëgjimit të dobët dhe plot zhurmë të telefonit të tij, tha se procesi i zgjedhjeve të delegatëve të PS është vetëm një zgjedhje e Ramës për zgjedhësit e e vet.
“Procesi është vonuar mbi 3 vjet, duhej të ishte mbajtur para 2 vitesh.
Për shkak të panikut për tu zgjedhur. Edi Rama po zgjedh zgjedhësit e vet. Shumica e këtyre delegatëve që zgjidhen sot janë të emëruar, nuk kanë ardhur përmes anëtarësisë. Janë lista të bëra nga lart poshtë për ti votuar formalisht ditën e sotme”, tha Blushi.
“Listat po i bën qeveria, tha ai. Gjithë ministrat janë shpërndarë nëpër zona, ka shumë socialistë që nuk kanë emrat në lista. Unë jam deputet dhe nuk jam njoftuar. E mora vesh dhe u nisa në Elbasan, Unë jam anëtar kryesie, deputet i Elbasanit dhe nuk e di. Nga ta dijë një qytetar i Elbasanit kur nuk e di unë, nga ta dinë mijëra socialistë”, shpjegoi deputeti socialist.
Blushi atakoi edhe procedurën e zgjedhjeve. Ai tha se vendimi për shpalljen e zgjedhjeve dhe lista e anëtarësisë mungon. Kush e ka shpallur votimin, nuk ka përgigje, tha ai.
“Jam përjashtuar në mënyrë arbitrare nga gjithë ky proces, unë nuk kam pasë asnjë njoftim për këto zgjedhje. Më thanë se janë njoftuar me telefon anëtarët e PS-së. Por me telefon njoftohen disa që duan dhe nuk njoftohen disa që nuk duan. Është një proces i gjithi i trukuar”, përcaktoi Blushi.
Në vijim rivali i Ramës tha se “Karvani i Edi Ramës nuk është karvani i Shqipërisë por i një kaste që ka uzurpuar PS që nuk pranon zgjedhje dhe duke shtënë në dorë PS ka shtënë në dorë edhe qeverinë.”
Rama ka kohë që nuk flet me njerëzit, tha Blushi. Ai po i kthen zgjedhjet në karnaval dhe është njeriu më qesharak në këtë histori, përfundoi ai.
Deputeti socialist, Taulant Balla tha se procesi ka qënë korrekt duke kundërshtuar akuzat e Blushit për një proces selektiv mes socialistëve. Ai tha për Blushin se është deputet i PS por nuk di zyrat lokale të PS në Elbasan. Ai ka shkëputur lidhjet me bazën. Balla tha se lista e anëtarësisë është kofidenciale dhe nuk mund të nxirret në faqe online sic kërkon Blushi, megjithatë ai tha se listat janë publikuar në qendrat e votimit.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
