Policia Kufitare e Kapshticës ka sekuestruar 11.4 kg kanabis, e cila ishte fshehur në një mjet dhe po tentonte të kalonte kufirin. Zbulimi i drogës është bërë në momentin kur automjeti po kontrollohej me skaner nga agjentët e doganës dhe sapo 32-vjeçari e ka vënë re që është zbuluar droga ka bërë mbrapa me automjetin e tij dhe është arratisur.
Sipas burimeve të policisë, Memini është larguar drejt Bilishtit dhe gjatë arratisjes së tij ka vënë në rrezik edhe jetën e agjentëve të policisë pasi ka tentuar ti shtyp me makinë. Në automjetin e tij është gjetur mbi 11 kg lëndë narkotike e llojit kanabis, e cila është sekuestruar bashkë me dokumentat e identifikimit të tij.
Njoftimi i plot i Policisë
“Më datë 17.02.2016, në Pikën e Kalimit Kufitar të Kapshticës, në dalje të Republikës së Shqipërisë, ky shtetas, pasi ka kryer kontrollin në vijën e dytë të automjetit të tij, tip “Mercedez-Benz” me targë AA009AU, me të cilin udhëtonte, ka kaluar në pikën e kontrollit me skaner. Nga proçedura e skanimit u dyshua se, brenda mjetit, mund të kishte lëndë narkotike. Jurgen Memini, porsa ka parë se i është evidentuar lënda narkotike, nuk i është bindur urdhërit të punonjësit të Policisë, por është kthyer mprapa dhe është larguar me shpejtësi, së bashku me automjetin e tij, në drejtim të Bilishtit duke rrezikuar dhe jetën e punonjësve të Policisë Kufitare që kanë tentuar ta bllokojnë.
Menjëherë u angazhuan shërbimet e Policisë, si edhe u ngritën pika kontrolli, në zonat ku dyshohej se ky shtetas bashkë me automjetin e tij, mund të fshihej. Nga veprimet e shpejta, shërbimet operacionale Kufitare, bënë të mundur gjetjen e automjetit, të këtij shtetasi në fshatin Vishocicë, të rrethit Devoll, ku ky i fundit e kishte braktisur.
Në vijim të punës, në lidhje me këtë rast, gjatë kontrollit që Policia ushtroi automjetit tip Benz me targë AA009 AU, rezultoi se në pjesën e serbatorit, u gjetën të fshehura si dhe u bllokuan me cilësinë e provës materiale :
11 (njëmbëdhjetë) pako me bimë të dyshuar narkotike Canabis Sattiva me peshë të përgjithshme 11 kg e 400 gr.
Si edhe në automjet, u gjet dhe u sekuestrua edhe pasaporta biometrike, në emër të këtij shtetasi.
Nga ana e strukturave të Drejtorisë Rajonale të Kufirit dhe Migracionit Korçë, si edhe Specialistëve të Seksionit kundër Narkotikëve, po punohet intensivisht, për kapjen e shtetasit të sipërpermendur, evidentimin e personave të tjerë të implikuar, si edhe dokumentimin e plotë të ngjarjes.
Materialet i kaluan Prokurorisë të Krimeve të Rënda në Tiranë, për veprat penale : “Trafikimi i narkotikëve “ mbetur në tentativë, si edhe “Mosbindja ndaj urdhrit të punonjësit të policisë së rendit publik” parashikuar nga nenet 283/a, 22 dhe 242 të Kodit Penal.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
