Një operacion policor i zhvilluar në Durrës ka goditur një skemë të dyshuar të falsifikimit dhe tjetërsimit të pronave, ndërsa janë ekzekutuar disa masa sigurie dhe katër persona janë shpallur në kërkim.
Në kuadër të operacionit, u ekzekutuan tre masa sigurie “Arrest në shtëpi” ndaj shtetasve Shaqir Sheshi, Besnik Xhafa dhe Arianit Mataj.
Po ashtu, me masën e sigurisë “Detyrimi për t’u paraqitur në policinë gjyqësore” u lanë shtetasit Leandro Dervishi, Jonida Mergeja dhe Fiqeret Xhafa.
Ndërkohë, Gjykata ka caktuar masën e sigurisë “Arrest me burg” për katër persona, të cilët janë shpallur në kërkim. Ata janë Ramazan Sheshi, Adrian Kona, Bledar Zerba dhe Rovin Zeqja.
Policia bën me dije se vijon puna për lokalizimin dhe kapjen e personave të shpallur në kërkim, me qëllim ekzekutimin e vendimeve të gjykatës.
Autoritetet nuk kanë dhënë ende detaje të plota mbi rolin e secilit prej të dyshuarve në skemën e falsifikimit dhe tjetërsimit të pronave, ndërsa hetimet vijojnë për dokumentimin e plotë të veprimtarisë së dyshuar kriminale. a.b
