Ka një rast kur Shqipëria merret shembull dhe në mediat ndërkombëtare nuk flitet vetëm për krime apo probleme. Megjithatë, shembulli nuk është edhe aq për të na bërë krenar.
Modeli shqiptar i zgjedhjeve brenda partisë me një kandidat të vetëm nuk duhet ndjekur. Në fjalorin politik të së majtës franceze, pjesëmarrja në një garë për kreun e një partie politike vetëm me një kandidat, konsiderohet si “zgjidhje alla shqiptare”.
Deklaratën e bëri sot deputetja socialiste franceze, Aurelie Filippetti, teksa në France po debatohet për primaret që do të zhvillohen për garën presidenciale.
“Ka nga ata që ëndërrojnë një primare alla shqiptare: vetëm një kandidat, Francois Hollande, dhe asnjë kokë të mos ngrihet”.
Filippetti është ish-ministre e Kulturës në qeverinë socialiste franceze deri në 2014 dhe ish-gruaja e ekonomistit të famshëm francez, Thomas Piketty.
Deklarata e deputetes është bërë në një artikull të saj të botuar në gazetën “Le Parisien”, mbi debatin për garën brenda socialistëve për nxjerrjen e kandidatit në zgjedhjet presidenciale të vitit 2017.
Nuk dihet nëse deputetja franceze i referohet referendumit të organizuar nga Partia Socialiste por fakt është që deklarata e saj vjen vetëm një ditë pas këtij procesin në PS.
Ministrja socialiste franceze ironizon zgjedhjet partiake “alla shqiptare”
