Kosova pritet të bëhet anëtari më i ri që do të përfitojë nga liberalizimi i vizave në Bashkimin Evropian, raporton Financial Times.
“Komisioni Evropian pritet që të këtë javë të rekomandojë që qytetarët e Kosovës të mund të lëvizin pa viza në zonën Schengen, përkundër që pesë shtete anëtare të BE-së, përfshirë Spanjën, nuk e njohin zyrtarisht shtetin ballkanik”, shkruan FT.
Ndërkoëh që Reuters ka përcaktuar edhe datën kur BE do të japë vendimin. Bëhetë fjalë për këtë të mërkurë.
Kosova bashkë me Gjeorgjinë, Ukrainën dhe Turqinë pritet që të fitojë aprovimin për lëvizje të lirë nga Komisioni Evropian këtë javë, shkruan FT, teksa thirret në burime të përfshira në proces.
Megjithatë sipas këtij mediumi shtetet anëtare të BE-së apo Parlamenti Evropian mund ta bllokojnë këtë proces.
