Një person ka humbur jetën mbrëmjen e sotme si pasojë e një zjarri të rënë në një banesë në Tirana.
Sipas informacionit paraprak, rreth orës 21:20, në rrugën “Ali Demi”, në katin e parë të banesës së shtetasit Th. Ll., 72 vjeç, ka rënë zjarr. Si pasojë e flakëve, dyshohet se i moshuari ka humbur jetën brenda banesës.
Menjëherë pas njoftimit, në vendngjarje kanë mbërritur shërbimet zjarrfikëse dhe policia, të cilat kanë bërë të mundur shuarjen e flakëve dhe sigurimin e zonës.
Grupi hetimor ndodhet aktualisht në vendin e ngjarjes dhe po kryen veprimet procedurale për të përcaktuar shkaqet e rënies së zjarrit, si dhe për të sqaruar plotësisht rrethanat në të cilat ndodhi ngjarja.
Autoritetet pritet të japin më shumë detaje pasi të përfundojnë hetimet paraprake.a.b
