Banorë të zonës së Rrjollit janë mbledhur këtë të mërkurë në një protestë para ambienteve të Struktura e Posaçme Kundër Korrupsionit dhe Krimit të Organizuar (SPAK), ku kanë shprehur kundërshtimin e tyre ndaj grabitjes së tokave siç thonë ata nga një kompani që po zhvillon një projekt të madh turistik.
Banorët deklarojnë se kanë ardhur në Tiranë për të kërkuar ndërhyrjen e institucioneve të drejtësisë, duke pretenduar se në lidhje me zhvillimet në zonën e Rrjollit ka shkelje ligjore që cenojnë interesat pronësore të komunitetit lokal. Ata mbajnë pankarta dhe thirrje ku kërkojnë transparencë dhe hetim të plotë për çështjen.
Sipas protestuesve, projekti i parashikuar për zhvillimin turistik të zonës po realizohet pa marrë parasysh interesin e banorëve dhe pronarëve të tokave. Ata kanë depozituar edhe kallëzime dhe dokumente pranë Struktura e Posaçme Kundër Korrupsionit dhe Krimit të Organizuar për të kërkuar hetim mbi procedurat që janë ndjekur.
Banorët e Rrjollit theksojnë se do të vijojnë protestat deri në momentin që institucionet përgjegjëse të marrin masa dhe të japin përgjigje për pretendimet e ngritura.a.b
