Ka nisur këtë të hënë seanca gjyqësore në themel ndaj kryebashkiakut të Tiranës, Erion Veliaj, por ai nuk ka qenë i pranishëm në sallën e gjyqit.
Në një deklaratë të bërë publike, Veliaj ka argumentuar mungesën e tij duke theksuar se nuk është zhvilluar më parë seanca paraprake dhe për këtë arsye, sipas tij, nuk mund të kalohej drejtpërdrejt në shqyrtimin në themel të çështjes.
Gjatë seancës, avokatja Valentina Theodoresku ka mbështetur qëndrimin e kryebashkiakut, duke theksuar se ai ka të drejtë në këtë pretendim. Ajo ka ngritur gjithashtu shqetësime lidhur me mënyrën se si janë vënë në dispozicion fashikujt e çështjes.
Ndërkohë, në seancë është bërë me dije edhe një ndryshim në përfaqësimin ligjor të Veliajt. Avokatët Ermir Beta dhe Artan Gjermenj kanë njoftuar se nuk janë më pjesë e mbrojtjes së kryebashkiakut. a.b
