Pamje nga tregu i familjarëve të Çelës
Anëtari i kryesisë së PD, Belind Këlliçi deklaroi sot një skandal të madh të policisë gjatë aksionit të SPAK në Elbasan.
“Sot policia e Prodës nuk ka zbatuar detyrën si institucion i shtetit, por urdhrin e kreut të narko-qeverisë, Edi Rama.
Narko-drejtori ka refuzuar të zbatojë një urdhër të Prokurorisë së Posaçme për të kontrolluar tregun e Elbasanit, bazën e aktiviteteve të paligjshme të bandës kryesore të Ramës dhe PS në rajon, grupit të Suel Çelës.
Ky është një veprim jo vetëm në kundërshtim me ligjin, por edhe dëshmi e dorëzimit të shtetit në duart e krimit të organizuar.
Rama e shtyn dhe e frymëzon SPAK kur ka nevojë, dhe i vihet kundra, e poshtëron kur i prek interesat.
Ky është standardi i tij me drejtësinë dhe Europën”, deklaroi Këlliçi.
Më shumë se kaq, kjo është përpjekje e hapur e Edi Ramës, që me anë të bandave të kontrollojë e vjedhë dhe këto zgjedhje, tha ndër të tjera zyrtari i lartë i PD. a.b
