Tension në stadiumin e Shkodrës ndërkohë që policia ndërhyri në turmë për ndalimin e disa personave. Sot në këtë qytet u luakt ndeshja Vllaznia-Tirana që përfundoi me rezultatin 2-2.
”Rreth orës 20:30, të datës 25.08.2024, në stadiumin “Loro Boriçi”, Shkodër, ku zhvillohej ndeshja e futbollit e kategorisë superiore ndërmjet ekipeve “Vllaznia- Tirana”, pas shënimit të golit, tifozët e ekipit të Tiranës, hodhën në fushë lëndë piroteknike.
Shërbimet e Policisë ndërhynë menjëherë duke identifikuar personat që hodhën lëndët piroteknike në fushë”, njoftoi policia e Shkodrës.
Në momentin që shërbimet e Policisë do shoqëronin personat e dyshuar, janë kundërshtuar me dhunë nga disa tifozë.
Policia ka zbatuar procedurat standarde të punës për shoqërimin në Komisariat të pesë personave, për veprime të mëtejshme, thuhet në njoftimin e saj. r.k
