Kreu i PD, Sali Berisha publikoi sonte se ndër pronarët përfitues të tokës në Gjipe, Edi Rama ka bërë pronare edhe biznesmenen Vilma Nushi, gruan e kushëririt që ka marrë 90 milionë euro me check-upin.
PJESË NGA FJALA E BERISHËS/ Në Gjipe, Edi Rama ka bërë pronar edhe vampiren Vilma Nushi, gruan e kushëririt.
Tani kuptohet vjedhja e përbashkët.
Shqiptarët duhet ta dinë se kjo grua e pamëshirë, që me plaçkitjen e saj çon në botën tjetër qindra e mijëra shqiptarë të pamjekuar, duhet ta dinë se pas të gjitha zvogëlimeve është detyruar të shpallë një fitim me check-upin prej 75 përqind.
Shqiptarët duhet ta dinë se Edi Rama ndan me gruan e kushëririt të tij për në Gjipe.
Ajo ka marrë 90 milionë euro gjer sot me check-upin.
Ndërsa pak para kësaj proteste, një gazetar i shquar, një publicist, një intelektual më njoftonte se ai shkoi në farmaci të marrë ilaçin, por farmacistja i tha se ky ilaç është hequr nga rimbursimi, se Edi Rama ka ndryshuar listën e rimbursimit.
Dhe se ky ilaç tani vjen nga Turqia dhe mjekimi yt për një muaj tani kushton 60 mijë lekë.
Imagjinoni miq, të heqësh dhe rimbursimin dhe t’i japësh Vilma Nushit 90 milionë euro, po a ka krim më të shëmtuar?
Skandali i ilaçeve të skaduara për fëmijët/ Berisha: Ky është krim kundër njerëzimit që kryhet nga njerëzit e Ramës
Dje për të disatën herë, zonja Vokshi denoncoi ish-kunatën e Edi Ramës, tani kunata e Bledi Çuçit, e cila në një akt mizor 1 milion euro ilaçe të skaduara që përdoren për sëmundje malinje të fëmijëve, i ka detyruar të ndryshojnë datën e skadencës dhe të futen në sistem.
Ky është krim kundër njerëzimit Edi Rama dhe kryhet nga gjysëmfamiljarët e tu.
Ky është krim kundër njerëzimit!
Si mund t’ua bësh fëmijëve shqiptarë një pabesi të tillë të tmerrshme?
Si mund t’u servirësh atyre ilaçin e skaduar për ilaç aktiv?
Po ju të cilësoheni kriminel e keni pak, gjuha duhet të ketë një fjalë tjetër më të rëndë se kaq.
Këto janë krime kundër njerëzimit. r.k
