Kryetari i Partisë së Lirisë Ilir Meta ka dëshmuar sot në Prokurorinë e Tiranës në lidhje me ndërhyrjen e dyshuar në serverat e Partisë së Lirisë. I pyetur nga mediat nëse beson se Prokuroria do ta zbardhë ndërhyrjen tek serverët e partisë së tij, Meta u përgjigj: Po e lanë, po.
Ndërsa në dalje nga prokuroria ai tha se kushtet e punës në prokurori janë skandaloze, pa arkiva, dosje pa rregull, ashensori i prishir dhe mure të palyera.
Muret do i lyejmë me vullnetarë të PL, tha Meta. Ndërkohë në lidhje me hetimin ai tja se ka një skenar kundër PL nga treshja Rama, Agaçi dhe Dumani.
Më herët Meta ka bërë një denoncim në Polici për grabitjen e regjistruar brenda selisë së tij. Sipas Metës është grabitur rrjeti i komunikimeve elektronike, një pajisje DVR (hard disc) si dhe në mënyrë të fshehtë personat e përfshirë kanë kryer lidhje, dëmtime dhe këputje të linjave kabllore. a.b
