Revolucioni digjital, Kadastra ndërmerr hapat vendimtare për të lënë pas të shkuarën abuzive, lajmëron zyra e shtypit e qeverisë këtë pasdite.
“Agjencia Shtetërore e Kadastrës, hyn në fazën vendimtare të transformimit, falë revolucionit digjital, që garanton stabilitet të plotë të pronës, stabilitet të plotë të marrëdhënies së pronës, stabilitet të plotë mes marrëdhënies së qytetarëve dhe shtetit në aspektin e pronës”, thuhet në një njoftim të zyrës së kryeministrit.
Nga e hëna 3 korrik do të mbyllen sportelet e kadastrës, duke i dhënë fund njëherë e përgjithmonë regjimit 30 vjeçar të letrave dhe vulave, pasi gjithçka do të jetë online me nënshkrim e me vulë elektronike, duke arkivuar praktikën, “të paguash për të marrë shërbimin apo të shërbesh duke u paguar”, si pjesë e historisë së dhimbshme të së shkuarës, shpjegohet në njoftim.
Në një takim të zgjeruar me drejtues dhe punonjës së kësaj Agjencie, ku merrte pjesë edhe Kryeministri Rama, por edhe ministra të kabinetit, deputetë e kryetarë bashkish u prezantuaReforma e ndërmarrë në këtë Agjenci. m.k
