Ka vdekur sot gazetari Nimet Isufi. Lajmi është bërë i ditur nga miku dhe kolegu i tij, Almer Toska.
Ky i fundit ka dhënë detaje lidhur me shkakun e ndarjes nga jeta të gazetarit duke thënë se ai ka pësuar një arrest kardiak.
“Me hidhërim të thellë, ju njoftoj që shoku dhe ish-kolegu ynë gazetar Nimet Isufi ka ndërruar jetë në mënyrë të papritur sot pasdite për shkak të një arresti kardiak. Allahu e mëshiroftë dhe e bëftë prej banorëve të xhenetit”, shkruan ai.
Ndërsa kolegë të tjerë me të cilët punoi në vite kanë shprehur dhimbjen e tyre.
“Nimet vlla. Nuk e mendoja kurre qe do shkruaja keto fjale per mortin tend. Te njihja qe prej gati 20 vjetesh atehere kur ishe ende nje student dhe punoje per nxjerre jetesen jo te lehte ne Tirane. Kemi ndare halle, me tregoje jo pak here per veshtiresite e prinderve per te shkolluar. Por dhe qeshnim shume. Humori yt ishte i pakrahasueshem me asgje, batuta por dhe situatat qe krijoheshin ne momente te caktuara shin te paperseritshme dhe sikur zbusnin tensionin e punes ne ato vite te ngarkuara. Jam i bindur vlla se cdokush qe te ka njohur keshtu te kujton, si Nimetin e mire qe nuk pertonte te ndihmonte gjithkend. Dhe ti ishe shume i ri vlla per te na lene kujtime. Te qofte dheu i lehte Nimet Isufi, deli djale. Jetove pak na le kujtime te bukura, do na mungosh or cun!”, shkruan gazetari Armand Maho. a.b
