Gazetari 57-vjeçar Pierangelo Repanati, ish-kryebashkiak i Corte Palasio në Itali, u gjet i vdekur në kopshtin e banesës së tij, i goditur nga dy prerje në fyt.
Fqinjët dëgjuan disa thirrje për ndihmë nga kopshti. Dikush nxitoi për të parë se çfarë po ndodhte dhe gjeti trupin e viktimës të shtrirë afër derës së përparme.
Nga një ekspertizë fillestare e dinamikës së ngjarjes, rezulton se kur u sulmua dhe u vra, viktima po ujiste kopshtin e tij.
“Për një komunitet kaq të vogël, ky është një ngjarje shumë serioze. Një veprim brutal që na prek të gjithëve ”- deklaroi kryebashkiaku aktual i Corte Palasio (Lodi), Claudio Manara.
“Më pas do të mësojmë dinamikën e saktë të asaj që ka ndodhur, por ndërkohë – vazhdon ai – jemi të sigurt se një person ka humbur jetën në një mënyrë shumë të dhunshme. Megjithatë kriminelët mund të jenë filmuar nga kamerat në hyrje.Por mund të ketë të ngjarë që ata të kenë kaluar edhe nga fushat. Pierangelo ishte një person i ndjeshëm, i vëmendshëm ndaj nevojave të komunitetit”- tha kryebashkiaku Manara, raportojnë mediat italiane.
Mediat italiane raportojnë se Repanati mund të jetë goditur pasi zbuloi hajdutët në shtëpinë e tij. Ai ka mbajtur postin e kryebashkiakut të Corte Palasio nga viti 2004 deri në vitin 2009. r.j
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
