Ndërsa luftimet e ashpra vazhdojnë edhe sot në lindje, një këshilltar presidencial ukrainas ka pranuar se ushtria e Kievit ka pësuar humbje serioze, por tha se ato të Rusisë ishin edhe më të këqija. Oleksiy Arestovych tha se Ukraina kishte humbur kontrollin e disa qyteteve dhe fshatrave – por pretendoi se vetë viktimat e Rusisë kishin qenë “kolosale”. Arestovych tha se Rusia po humbte një kompani trupash çdo ditë, sipas komenteve të cituara nga agjencia e lajmeve ukrainase UNIAN. Ai tha se ushtarët e tij po vazhdonin të kryenin një operacion të suksesshëm mbrojtës. Nuk ishte e mundur të verifikoheshin në mënyrë të pavarur pretendimet. Në fillim të këtij muaji, Rusia pranoi se kishte pësuar “humbje të konsiderueshme” trupash gjatë pushtimit të saj – por nuk e ka përditësuar shpesh numrin e saj. Ndërkohë, numri i civilëve vazhdon të rritet ndërsa luftimet në lindje të Ukrainës po vazhdojnë. Guvernatori rajonal i Luhansk, pjesë e Donbas u ka kërkuar përsëri civilëve te mbetur të largohen. Ndërkohë, policia në rajonin e Donetskut thotë se tre persona u vranë dhe gjashtë u plagosën një ditë më pare gjatë sulmeve ruse. Dhe rajoni verilindor i Kharkivit vazhdon të shohë gjithashtu luftime të ashpra. Zyrtarët atje thonë se pesë civilë u vranë në bombardimet e fundit. Forcat ruse po vazhdojnë të bëjnë përparime në lindje të vendit, por rezistenca e fortë nga trupat ukrainase po ngadalëson përparimin e tyre. Në zhvillimet e fundit, forcat ruse vazhdojnë të përparojnë ne rrethinat e qytetit lindor të Izyumit, por mbrojtjet e forta ukrainase në rajonin e Donbasit janë ende në gjendje. Ministria e Mbrojtjes e Mbretërisë së Bashkuar tha të premten se beteja për Donbasin, në lindje, mbeti fokusi kryesor strategjik i Rusisë. Ai tha se luftimet kishin qenë veçanërisht të rënda rreth Lysychansk dhe Severodonetsk, dhe kishte pasur një përpjekje për të avancuar në jug drejt Slovyansk. Ndersa Ministria e Mbrojtjes e Ukrainës përmes një përditësim në aplikacionin Telegram pretendon se Rusia ka pësuar 23,000 humbje të personelit ushtarak që nga fillimi i luftës. Kievi zyrtar pretendon se që kur Rusia pushtoi më 24 shkurt, ushtria ukrainase ka shkatërruar: 986 tanke, 2418 mjete luftarake të blinduara, 435 sisteme artilerie, 189 avionë, tetë anije dhe 155 helikopterë. Vlerësimet mbi humbjet ushtarake ruse ndryshojnë shumë, por Moska e ka pranuar më parë se ka pësuar “humbje të konsiderueshme të trupave” gjatë pushtimit.
Ukraina nxjerr shifrën, Rusia ka humbur 23,000 personel ushtarak
