Presidenti i Ukrainës, Volodymyr Zelensky lajmëroi këtë mbrëmje se forcat ruse kanë nisur sulmin ndaj rajonit të Donbasit.
“Trupat ruse kanë filluar sulmin ndaj Donbasit, të cilën ata e kishin përgatitur për një kohë të gjatë. Një pjesë e madhe e ushtrisë ruse tani i është përkushtuar kësaj ofensive”, shprehet presidenti Volodymyr Zelensky.
Ndërkaq zyrtarët në Ukrainën lindore kanë bërë të ditur se tetë persona kanë mbetur të vdekur ditën e sotme në lindje të Ukrainës.
4 persona u vranë nga bombardimet ruse në zonën e Donetskut dhe 4 të tjerë u vranë pasi qyteti i Kreminës ra në duart e armikut gjatë natës, sipas kreut të rajonit të Luhanskut. Të dy rajonet formojnë Donbasin e Ukrainës, ku presidenti Zelensky thotë se Rusia ka nisur ofensivëne saj për të marrë këto dy rajone.
Më herët sot, u raportua se shtatë persona u vranë gjithashtu nga sulmet e reja me raketa në qytetin perëndimor të Lviv, dhe dy të tjerë në Kharkiv në veri. a.b
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
