Merr fund përpjekja e Britanisë për të grumbulluar emigrantët e paligjshëm të kapur nga autoritetet britanike, në një kamp në Shqipëri, sipas tabloidit të njohur britanik Mirror.
“Priti Patel do të nënshkruajë një marrëveshje me Ruandën pasi u shkatërruan disa muaj përpjekje për të dërguar emigrantët në Shqipëri dhe Gana.
Boris Johnson do të mburret se po “marrë përsëri kontrollin e imigracionit të paligjshëm””, shkruan “Mirror”.
Pjesë nga shkrimi i Mirror:
Boris Johnson është kritikuar pasi ka rënë dakord për planet “mizore dhe të këqija” për Britaninë që të dërgojë azilkërkues në Ruandë.
Njerëzit e dëshpëruar që kalojnë kanalin me gomone duket se do të fluturojnë 5000 milje larg për t’u përpunuar sipas një pakti që do të shpallet sot, vijon më tej shkrimi.
Sekretarja e Brendshme Priti Patel do të nënshkruajë një marrëveshje me qeverinë e Afrikës Lindore në një vizitë atje të enjten, pasi u shkatërruan disa muaj përpjekjesh për të “dërguar” emigrantët në Shqipëri dhe Gana.
Dhe në një fjalim në Kent – pranë plazheve ku ekuipazhet e varkave të shpëtimit sjellin të ardhurit e dridhur në breg – Kryeministri do të mburret se po “merr përsëri kontrollin e imigracionit të paligjshëm” pas Brexit .
Johnson do të thotë se nevojitet veprim për të luftuar “kontrabandistët e poshtër të njerëzve” që e kthejnë oqeanin në një “varrezë me ujë”.
Zonja Patel thuhet se ka shpenzuar katër muajt e fundit duke e bërë politikën “pothuajse të zbatueshme” aq sa kryeministri të jetë në gjendje ta shpallë atë.
Ndërkohë Projektligji për Kombësinë dhe Kufijtë që do të lejonte azilkërkuesit të dërgoheshin në det të hapur ende nuk ka kaluar – pasi kolegët rebelë thonë se ai do të shkelë të drejtat e njeriut. a.b
