Kanë nisur negociatat për paqe në Stamboll mes Kievit dhe Moskës, të cilat do të vazhdojnë edhe nesër ndërkphë që më nisje ishte i pranishëm edhe presidenti turk Erdogan dhe oligarku rus, Abramovich, raporton Financial Times.
Erdogan tha para dy delegacioneve që priten që në këto negociata të ketë rezultate konkrete dhe se vazhdimi i konfliktit nuk i sjell dobi askujt.
“Në një moment kaq kritik, ne jemi të kënaqur t’ju mirëpresim dhe të kontribuojmë në përpjekjet tuaja për të vendosur paqen,” tha Erdogan.
Edhe presidenti Zelensky tha më herët se ishte i gatshëm të diskutonte neutralitetin e vendit pa hequr dorë nga integriteti territorial. Ndërsa Rusia, sipas një projektmarrëveshjeje të zbuluar nga Financial Times, do të ishte e gatshme të hiqte dorë, ndër të tjera, për “denazifikimin” e Ukrainës dhe hyrjen e Kievit në BE, por që të mbetet e paangazhuar ushtarakisht.
Nga ana tjetër zëdhënësi i Kremlinit Dmitry Peskov, tha se Rusia nuk do sulmoj asnjë vend të NATO-s dhe nuk do të përdor armë bërthamore, por i hodhi fajin për situatën zgjerimit të NATO-s drejt lindjes duke thënë se “e la Rusinë në qoshe”.
Përplasjet kanë vijuar në retorikë mes Biden dhe Putin. Presidenti amerikan e etiketoi përsëri Vladimir Putinin ‘diktator’, ndërsa Kremlini tha këto fjalë ishin “mjaft alarmante” dhe konsiderohen “fyerje personale”. r.j
