Ushtria ruse goditi të dielën depot e karburantit në qytetin perëndimor të Ukrainës, Lviv dhe jashtë Kievit.
“Më 26 mars, armët me precizion të lartë të lëshuar nga ajri shkatërruan një bazë të madhe karburanti pranë qytetit të Lviv, e cila siguronte karburant për trupat ukrainase në rajonet perëndimore të Ukrainës, si dhe afër Kievit,” tha zëdhënësi i Ministrisë së Mbrojtjes ruse, Igor Konashenkov në një konferencë të dielën.
Konashenkov konfirmoi një sulm të veçantë në Lviv të shtunën, duke thënë se raketat kishin shënjestruar punëtoritë e uzinës së riparimit të radios në Lviv, për të cilën ai pretendoi se kryenin riparimin dhe modernizimin e sistemeve të armëve ukrainase.
Autoritetet ukrainase kanë konfirmuar goditjen në bazën e karburantit në Lviv. Shërbimi Shtetëror i Emergjencave të Ukrainës tha të dielën se zjarri që shpërtheu në depon e karburantit në Lviv ishte shuar në orën 6:49 të mëngjesit.
Kryetari i bashkisë së Lviv, Andriy Sadovyi, tha në një postim në Tëitter të dielën se zjarrfikësve iu deshën 14 orë për të shuar zjarrin.
Konashenkov pretendoi po ashtu se armët e lëshuara nga deti kishin shënjestruar një objekt të ruajtjes së raketave ukrainase 18 milje (30 kilometra) në jugperëndim të Kievit.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
