Banorët e disa lagjeve që preken nga ndërtimi i Unazës së Madhe në Tiranë protestuan sot përballë Ambasadës Amerikane duke i bërë thirrje Yuri Kim që të aktivizohet më shumë në jetën sociale për të zgjidhur hallin e tyre.
“Ashtu siç je aktive në jetën politike, të jesh më e përfshirë sa i përket shkeljeve të jetës sociale. Kërkojmë nga ambasadorja Kim të ndikojë në qeveritarëve. Po kërkojmë të na nnjihet prona me ligj që nesër kur të vijnë fadromat të marrim atë që na takon. Të trajtohemi sic i trajton shteti juaj amerikanët. Të respektohet ligji, nuk dua të themi o sa mir me qen shqiptar. Kërkojmë ndihmën tuaj zonjë. Kërkojmë ndihmën tuaj”, tha një banor i Laprakës përpara protestuesve.
Një tjetër banor tha se ambasada të japë viza për ta pasi nuk kishin jetë më në Shqipëri.
”Jepu viza gjithë këtyre që janë këtu dhe të vijnë të gjithë këta që janë këtu dhe të vijnë në Amerikë. Vendos dorën në zemër dhe shiko çfarë po ndodh me ne”, tha banori.
Banorët më pas kanë vijuar protestën përpara zyrave të BE në Tiranë. a.b
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
