Aktori dhe modeli kubanez William Levy ka festuar dje ditëlindjen e tij të 36-të. Mes shumë sukseseve në serialet meksikane dhe fushatat publicitare, edhe periudha e verës ka qenë mjaft e ngjeshur për yllin e shumë serialeve, disa prej të cilave të transmetuara edhe në Shqipëri.
Në mediat vendase, shkrimet për jetën e tij private kanë qenë të shumta vitin e kaluar, derisa vetë aktori deklaroi në një intervistë një vit më parë se ishte ndarë nga bashkëshortja, aktorja Elizabeth Gutiérrez, me të cilën u martua në vitin 2003. Ҫifti kanë edhe dy fëmijë, djali Christopher, i lindur në vitin 2006, dhe vajza Kailey, lindur në vitin 2010.
Megjithatë, edhe pse të ndarë, asgjë nuk e ka penguar Elizabeth që një ditë më parë t’i organizonte ish-bashkëshortit një festë speciale ditëlindjeje, por edhe t’i kushtonte atij një urim special në Instagramin e saj: “Gëzuar ditëlindjen i dashur! Ҫdo vit, të dua edhe më shumë…” Në videon e postuar, Elizabeth ka treguar edhe disa nga detajet e festës surprizë për Levy-n, duke falënderuar edhe të gjithë miqtë pjesëmarrës dhe organizatorë.
Megjithatë, ajo që për Levy-n ka qenë një surprizë edhe më e madhe ka qenë tryeza e shtëpisë… e ndërtuar enkas për ditëlindjen e tij. Pasi festoi me miqtë, koha e shtëpisë është gjithmonë e ҫmuar: “Kthehem në shtëpi dhe gjej këtë. E këndshme! Dhe me këtë më vjen oreksi… Thank you mami ;-)” – shkruan Levy në krah të fotos.
