Një firmë e industrisë së mbrojtjes me qendër në Turqinë e Jugut ka eksportuar sistemet lokale në Katar dhe Shqipëri.
Kjo firmë ka prodhuar sisteme anti-dron për forcat e sigurisë turke si dhe një sistem paralajmërimi për të adresuar kërcënimet e shumta nga mjetet ajrore pa pilot (UAV).
“National War Technologies Defense Systems Inc” ka qendrën në provincën jugore të Antalias dhe ka punuar në projekte anti-dron për rreth 25 vjet.
Shqipëria dhe Katari janë vendet e para të huaja që blenë produktin e kompanisë. Zyrtarët e kompanisë thanë se negociata janë në vazhdim dhe me vende të tjera në përputhje me lejet e dhëna nga Industria Kombëtare e Mbrojtjes.
Bekir Yalçın, koordinator i kërkimit dhe zhvillimit (R&D) i firmës, u shpreh për Anadolu Agency të mërkurën se kompania po prodhonte bllokues dhe filloi të prodhonte sisteme anti-dron në përputhje me kërkesat e Forcave të Armatosura Turke (TSK).
Sistemet kishin synojnë të përdoren kundër dronëve që mbajnë drogë, bomba apo lloje të tjera të substancave të ndaluara me qëllim krijim terrori, veçanërisht në zona të mbushura me njerëz.
Pajisja portative 3 deri në 4 kilogramë e IHAMAX siguron mbrojtje lineare dhe rrethore. Mbrojtja rrethore lejon zgjidhje efektive kundër kërcënimeve të dronëve. IHAMAX është efektiv deri në 2 kilometra larg, në varësi të kushteve gjeografike dhe lidhjes me qendrën e komandës.
“Ka tipare shumë më të larta se sa produktet ekuivalente. Është një aparat i rëndë mesatarisht 3-4 kilogramë, mund të bartet nga një person. Produktet ekuivalente barten nga më shumë se një person. Bateria e lëvizshme dhe e ndryshueshme e bën pajisjen tonë superiore”, u shpreh Yalçin.
Koha e punës së pajisjes është 60 deri në 80 minuta si dhe deri në 30 ditë mund të qëndrojë në “stand by”.
/DRONI.al/
