Akademiku Artan Fuga ka publikuar sot disa të dhuna në lidhje me reagimet rreth një statusi të tij në lidhje me deficitin në kapitalin social, ose ndryshe mosbesimi tek institucionet, njëri tjetri etj.
Fuga thotë se u inspirua nga novelisti Stiglitz i cilie ka trajtuar cështjene deficitit social në vendet e lindjes dhe Ballkanit.
Gjetjet e Fugës:
Kemi deficit ne kapitalin social!
Nobelisti Jozef Stiglitz shkruan se shumë shoqëri post-totalitare në Evropën Qendrore dhe Ballkan kanë deficit në kapitalin social. Ai quan kapital social besimin e individit te të tjerët, të masës të qytetarëve ndaj shtetit, dhe nivelin e besimit të qytetarëve te agjencitë dhe institucionet, te politika, etj.
Bëra një status për të pritur se çfarë thonë audiencat online në profilin tim të facebookut, çfarë mendojnë ato për Covid19?
Brënda 48 orësh pati 35 mijë shikime, mbi një mijë e njëqind pëlqime, mbi 100 komente, 40 e ca ndarje në profile të tjera, etj.
Rezultatet janë këto:
1 në 10 komentues e konsideron Covid19 si një konspiracion i krijuar nga grupe me qëllim.
1 në 5 mendojnë që pavarësisht se kush e ka krijuar, nga pandemia nxjerrin fitime pushtetarët dhe rrjete pasurish dhe financash.
1 në 9 kanë hezitime dhe dyshime pa konkluduar.
1 në 5 janë pa asnjë mendim të qartë
2 në 3 komentues nuk beson plotësisht te rreziku i madh nga Covid19, ose mendon se është një konspiracion, ose fryhet për të nxjerrë përfitime ose sulmuar liritë dhe të drejtat qytetare.
Kuptohet që janë audienca me moshë të re që janë më pak besuese se pjesa tjetër e popullsisë.
Janë audienca online që normalisht janë më pak besuese se qytetarët e tjerë.
Gjithsesi kuptohet që publiku në një masë të madhe është mosbesues dhe jo i gatshëm të pranojë kufizimet që sjell mbrojtja nga infeksioni.
Ndodh pra mosbesimi nga ana e opinionit publik dhe rrënimi i kapitalit social.
Arsyet janë të shumta. Secili gjen të tijat, por në përgjithësi publiku nuk ka besim te institucionet dhe te politika.
Në rastin e rrezikut nga virusi Covid19 kjo na dëmton shumë, rrezikon shëndetin publik sepse njerëzit që nuk kanë besim te informacionet mbi rrezikshmërinë e sëmundjes nuk respektojnë si të gjithë popujt e tjerë evropianë, masat mbrojtëse.
Po vazhduam kështu gjendja do të bëhet edhe më alarmante se çfarë është dhe ne do të jemi të fundit në Evropë që do të dalim nga humnera ku kemi rënë nga katastrofa që na ka pllakosur!
