Dua Lipa po përgatitet për të tjera suksese në kuadër të promovimit të saj ndërkombëtar.
Artistja shqiptare ka njoftuar vetë në Instagram, që ajo do të shoqërojë yllin e muzikës Bruno Mars në turin e tij të koncerteve në vitin 2018.
“Është koha e shfaqjes. Do t’i bashkohem Bruno Mars-it në tur dhe mezi po pres!”- shkroi Lipa.
Siç shihet në posterin e turit “24K Magic”, Dua do të jetë e ftuara speciale e artistit në nëntë koncerte që do të mbahen në disa qytete të mëdha në Australi, gjë që i jep asaj mundësinë të promovohet edhe në një tjetër kontinent, krahas Europës dhe SHBA-ve, ku tashmë ka reputacionin e një ylli në ngjitje.
