Policia e Milanos ka vënë në pranga 19 shpërndarës droge.
Mes të arrestuarve, 12 janë italianë, 5 shqiptarë, një rumun dhe një moldav, të gjithë të moshës mes 23 dhe 49 vjeç.
Mësohet se hetimet kishin nisur që prej marsit të një viti më parë.
Bastisjet u kryen në Milano, Monza, Brianza, Bergamo, Genoa, Nuoro, Pavia, Verbania dhe Vercelli.
Organizata kriminale aktivitetin e saj e kishte të përqëndruar kryesisht në Milano dhe Monza. Tregtonte kokainë dhe marijuanë.
Vala e arrestimeve nisi pikërisht një vit më parë, kur policia ndaloi shoferin e një Camperi (shtëpi lëvizëse) që vinte nga Spanja. Në pjesën fundore të kabinës së dushit u gjetën të fshehura 11 kg marijuanë.
Hetime më pas çuan në arrestimin e 9 personave të tjerë.
Policia ka sekuestruar 16 kg marijuanë, 1 kg kokainë dhe 10.000 euro.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
