Ish-kreu i Grupit Parlamentar të LSI-së Petrit Vasili përmes një statusi në profilin e tij në “Facebook” shkruan në lidhje me takimin e Ramës sot me mjekët.
Vasili ironizon kryeministrin Rama, duke përmendur një përrallë të çmendur të ai tregon me bluzat e bardha, e shton se kemi një kryetar qeveria që është “dru” në terma mjekësorë. Vasili e quan Ramën edhe “shkollëpak”.
Postimi i Petrit Vasilit:
Sharra e druve dhe kryeministri dru….
Kryeministri shkollëpak përsërit sa herë takon mjekët të njëjtin budallallëk të sharrës së druve që pret këmbët e të sëmurëve.
Tregon të njëjtën përrallë të trashë të çmendur të sharrës së druve.
Në emër të të gjithë kolegëve mjekë, të cilët kanë heshtur dhe heshtin për shkak të hakmarrjes së njohur të primitivit që drejton qeverinë, po e pyes unë primitivin sot dhe një herë e përgjithmonë.
Kryeministër primitiv ku e ke, gjeje dhe tregoje një kartelë mjekësore në 40 vitet e fundit që paraqet një intervent të prerjes së këmbës apo çfarëdo prerje të imagjinatës tënde, e cila është kryer me sharrë drush??
Kërkoje dhe gjeje atë kartelë që në fakt ekziston vetëm në imagjinatën tënde të shpartalluar.
Mblidhe mendjen top kryeministër as ka as ekziston një gjë e tillë.
Hallall atij apo asaj që të tall ty dhe të tregon të tilla broçkulla që ti i përsërit si papagall me shkollëpakësinë tënde tashmë të njohur.
