Ditën e sotme, Federata Shqiptare e Futbollit po zhvillon një takim me kryeministrin Edi Rama pas disa incidenteve të ndodhura në ndeshjet e kaluara, ku nuk kanë munguar rastet e dhunës. (kliko per informacione)
Të pranishëm në takim janë edhe përfaqësues nga Ministria e Sportit si dhe drejtuesit e klubeve shqiptare.Kërkesa kryesore është rikthimi i policisë në stadiume dhe ndryshimi i Ligjit për Sportin. Gjithashtu, një kërkesë parësore do të jetë që dhunuesit në sport të dënohen, duke u bërë një vepër penale.
Gjatë fjalës së tij, Rama ka theksuar veç të tjerash që kapërcimi i vijave të bardha dhe futja në fushë do të dënohet me 3 vjet burg.
“Ne do të ndërhyjmë menjëherë në kodin penal. Kapërcimi i vijave të bardha dhe futja në fushë do të dënohet me 3 vjet burg. Ky do të jetë hapi i parë që ne do të bëjmë me parlamentin për të ndryshuar kodin penal”, mësohet të jetë shprehur kryeministri Rama.
