VIDEO/'Frutat s’i shofim me sy....',Basha takohet me tregtarët në Shkodër, thirrje për protestë

Lulzim Basha ndodhet në një vizitë në qytetin e Shkodrës nga ku vëzhgoi situatën e vështirë të këtij qyteti.

Teksa takoi të gjithë tregtarët dhe qytetarët, Basha bëri thirrje që të bashkohen në protestën e 16 Shkurtit, si një shuplakë e fortë për të rrëzuar qeverinë.

Biseda me një invalide:

Qytetare, invalide: Pensioni nuk po na del as për ilaçe. 1500 lek një kilogram presh. Ça me ble më parë. Frutat s’i shofim me sy. Me këtë pension çfarë me ngrënë, çfarë me pi.

Basha: Prindi i keq e shkatërron shtëpinë, qeveria e keqe shkatërron vendin.

Qytetare: Me u çu të tërë e me e heq atë farë!

Basha: Të gjithë bashkë më 16 Shkurt!

Qytetare: Jam kështu (në karrocë invalidi), por atje kisha ardh!

Biseda me tregtarë:

Tregtare: Kemi dalë, fresk po rrimë. Çfarë me bë kur s’ka punë. Njerëzit kanë ikur të gjithë.

Bash: Sa kohë keni që e keni hapur këtë dyqan?

Tregtare: Ne jemi pensioni me ndihmu veten. Me 100 mijë lek pension, çfarë kemi me bë? Asgjë. Paguajmë sigurimet kot. Ikin sigurimet kot!

Basha: Në një vend ku nafta është më e shtrenjta në Europë dhe rrogat dhe pesnionet janë më të ulëtat në Europë mos prisni që të keni xhiro.

Tregtare: Normale, kjo është. Ka mbaru çdo gjë këtu. S’di ca ka me u bë.

Basha: Ç’farë ka për t’u bërë. Të ulet çmimi i naftës, me ul çmimin e energjisë, me rrit pensionet, me ul taksat tuaja. Të ndizen motorrët e ekonomisë. Por së pari duhet të largojmë këtë qeveri që e ka mendjen vetëm me mbush xhepat e vetë.

Tregtar, biznesi i të cilit ka falimentuar: S’ka punë dhe asgjë.

Basha: Sa veta punonin përpara këtu?

Tregtar: Katër vetë kanë punuar.

Basha: Familjarë të tu, apo të punësuar?

Tregtar: E kam pasur me qera dhe i ka pasur kompania.

Basha: Ku kanë shkuar të katërt tani?

Tregtar: Ata? Në rrugë të madhe! Si të gjithë ne. Hera e parë, me të marrë malli për të parë njerëz në këtë rrugë. Hera e parë. Që nga 2013 e këtej. Jemi duke i mbyllur të gjitha punët. Është duke na bërë që të ikim të gjithë nga ky vend. Na e ka shkatërruar ekonominë komplet. Të flas me realitetin më të madh. As flas me parti, të flas realitetin. Në 2014 më ka hequr nga puna motrën, avokate e shtetit, me 30 gjyqe të fituara. Na i ka mbyll të gjitha.

Basha: Kur punët shkojnë keq, nuk ikën populli, duhet të iki qeveria. Vendi i ka të gjitha mundësitë me ju ndihmu ju, njerëzit e punës. Me ul taksat, me ul tarifat, ccmimin e naftës, ccmimin e energjisë, të garantojë garën në treg dhe ne kemi mundësi t’i bëjmë këto. Por së pari na duhet të bëhemi të gjithë bashkë me datë 16 shkurt të gjithë në Tiranë.

Të bëjmë atë që bën ccdo popull në Europë kur punët shkojnë keq.

Tregtar: Bullgaria, Rumania, për 2 cent u ccu edhe hodhi qeverinë.

Basha: Edhe unë për këtë kam ardhur. T’ju ftoj të gjithë bashkë me 16 shkurt!

Tregtar: Ne të gjithë pas teje jemi!