Në një video të publikuar së fundmi, policia ka paralajmëruar studentët e Universitetit Bujqësor në Tiranë se kyçja e derës së jashtme është e kundraligjshme.
Gjatë bisedës, policët u thonë studentëve se nëse kryejnë këtë veprim, do të ndiqen penalisht.
Në videon e marrë nga ‘panorama’, studentët e sqarojnë se dryni në derën e universitetit është veprim simbolik.
“Mbyllja e derës kalon për ndjekje penale, është e kundraligjshme”, shprehet polici.
Studentët do të vijojnë dhe ditën e sotme me protesta, ndërsa mësohet se disa prej tyre janë rikthyer në mësim.
