Kryeministri Edi Rama po zhvillon një takim me studentë në Universitetin e Vlorës. Por kjo nuk është pritur mirë nga studentët e këtij universiteti.
Kryeministri në hyrje për në Universitet,është pritur me protesta dhe është përballur me rezistencën e tyre. Studentët nuk e kanë lejuar të hyjë brenda, ndërkohë që i kanë bllokuar rrugën.
Studentët shprehen se ai po zhvillon takim me studentë që kanë anëtarë të partive politike dhe jo me studentë të vërtetë.
Ditën e djeshme, Rama zhvilloi një bashkëbisedim me studentët e Universitetit Bujqësor të Tiranës, ku këta të fundit i thanë në kryeministrit se nuk ishin njoftuar se ai do ishte i pranishëm.
Prej dy ditësh kreu i qeverisë ka nisur atë që ai e quan dialog me studentët, ndërkohë që shumica prej tyre nuk pranojnë diskutim me kryeministrin, por kërkojnë vetëm plotësimin e 8 pikave.
