Liverpool ka ruajtur pozitat në krye të Premier League. “The Reds” triumfuan 3-1 kundër Manchester United, falë edhe dopietës së Xherdan Shaqirit.
Paraqitja e mesfushorit me origjinë kosovare ka marrë edhe përgëzimet e trajnerit të Liverpool-it, Jurgen Klopp, i cili e cilësoi thjeshtë si brilant.
“Brilant! Pikërisht siç na duhej ne. Pasim fantastik, super kontroll, përfundim perfekt.Shaq është një djalë i aftë. Ai është në gjendje të bëj mirë në sulm. Nuk do të kishte shumë kuptim që ai të merrte topin dhe ta kalonte atë. Ne kishim nevojë për pak fat. Të dy golat ishin fantastik, pavarësisht se u devijuan. -tha Kloop pas ndeshjes.
Shaqiri u aktivizua në minutën e 70-të kundër Manchester United, minuta këto të mjaftueshme për të gjetur dy herë fundin e rrjetës së mbrojtur nga David De Gea.
